حذف الحساب — رفيق

يشمل تطبيق رفيق (للركاب) وتطبيق رفيق كابتن (للسائقين)

شلون تحذف حسابك

1. افتح تطبيق رفيق أو رفيق كابتن وسجّل دخولك.
2. من الشاشة الرئيسية، اضغط على «حذف الحساب» بأسفل قائمة الخيارات.
3. أكّد الطلب. ينحذف حسابك فوراً وتنطلع من التطبيق.

ما تحتاج تتواصل ويانا ولا تنتظر موافقة. الحذف يصير بنفس اللحظة.

شنو ينحذف نهائياً

• رقم هاتفك واسمك والجنس.
• رمز الدخول (PIN) ومعرّف جهازك ورمز الإشعارات.
• جهات الاتصال الموثوقة (أسماءهم وأرقامهم).
• للكباتن: كل صور الوثائق (الهوية، إجازة السوق، سنوية المركبة، صورة المركبة، الصورة الشخصية)، ورقم اللوحة، ورقم الهوية الوطنية.
• صور إيصالات الدفع اللي رفعتها.

شنو يبقى، وليش

سجل الرحلات والحركات المالية (الأجور، التسويات، الرسوم) يبقى محفوظاً بصيغة غير معرِّفة — يعني ما يبقى مربوط باسمك ولا رقمك ولا أي شي يدل عليك. سبب بقائه إن كل رحلة طرفين: حذف سجل الراكب يمحي دخل الكابتن من نفس الرحلة، وهذا سجل مالي يخص شخص ثاني ويلزم للمحاسبة.

قبل ما تحذف — فكّر مرتين

إذا حسابك انحذف، ما تكدر ترجع بنفس الرقم أبداً. أغلب الناس اللي يفكرون بالحذف يحتاجون بس تسجيل خروج، أو إيقاف الإشعارات. الحذف للحالات اللي تريد فيها تروح نهائياً.

متى ما تقدر تحذف

الحذف ينرفض بحالتين فقط، وكل وحدة إلها سبب:

• عندك رحلة شغالة هسه — انتظر لما تخلص، حتى ما يبقى الطرف الثاني برحلة ما تنغلق.
• عليك رسوم إلغاء غير مدفوعة — تنجمع مع أول رحلة تكملها.

محتاج مساعدة؟

إذا ما گدرت توصل للخيار داخل التطبيق، تواصل وية فريق الدعم عبر واتساب أو من صفحة الدعم داخل التطبيق ونحذفه إلك.